“ПРЭЗІДЭНЦКАЯ” СТЫПЕНДЫЯ
16 снежня 2015 года ў зале Алімпійскай славы Нацыянальнага Алімпійскага Камітэта Рэспублікі Беларусь прайшла ўрачыстая цырымонія ўручэння імянных стыпендый Прэзідэнцкага спартыўнага клуба маладым беларускім спартсменам і трэнерам. Усяго ўзнагародай адзначаны 232 чалавекі. Сярод дзюдаістаў пасведчанне аб назначэнні імянной стыпендыі на 2016 год атрымаў і камянчанін, выхаванец СДЮШАР “Пушча” Антон Сачыловіч (першы трэнер – Рыгор Маеўскі), які сёлета стаў бронзавым прызёрам кадэцкага чэмпіянату свету. Трэба адзначыць, што 2015-ы прынёс Антону і званне “майстра спорту Рэспублікі Беларусь па дзюдо”.
Навiна атрымана з сайта http://www.judo.by/